តើ Cydia គឺជាអ្វី ?

 

 

តើ Cydiaគឺជាអ្វី? ហេតុអ្វីបានជាទូរស័ព្ទ iPhone, iPod Touch & iPad ត្រូវការវាម្លេះ? នេះគឺជា​សំនួរដែល​ចេញពីមាត់​អ្នក​ប្រើប្រាស់ iDevices ស្ទើរតែ​គ្រប់​រូប​បាន​ចោទសួរ ព្រោះថា​រាល់លើក​ដែលពួក​គេ​ធ្វើការ Update, Downgrade ឬ Restore firmware iOS នៅលើ iDevice របស់ខ្លួនរួច គេចាំបាច់​តំឡើង​កម្មវិធី Cydia នេះថែម​ទៀត។ Cydia គឺជា​កម្មវិធី​ដ៏ចាំបាច់​មួយសំរាប់​បើកផ្លូវឲ្យអ្នក​ប្រើប្រាស់​ទូរស័ព្ទ iPhone, iPod Touch & iPad​ អាច​បញ្ចូល​កម្មវិធី​ដោយ​ឯករាជ្យ ឬកម្មវិធី​ដែល​បង្កើត​ដោយអ្នក​អភិវឌ្ឍន៍​កម្មវិធី​ណា​ក៏បាន។ កម្មវិធីនេះ ត្រូវបាន​អភិវឌ្ឍន៍​ដោយ​លោក Jay Freeman ដែលមាន​រហ័ស​នាមថា Saurik ហើយវា​មាន​លក្ខណៈ​សម្បត្តិ​ប្រហាក់​ប្រហែល​និង App Store របស់ក្រុមហ៊ុន Apple អញ្ចឹងដែរ។ វាបាន​ប្រមូល​ផ្តុំនូវ​កម្មវិធី​សំរាប់​សំរួល​ដំណើរការ បន្ថែមមុខងារ និងកម្មវិធីប្លែកៗ ជាច្រើន​ដែល​អាច​ធ្វើឲ្យ iDevice មាន​សមត្ថភាព​កាន់​តែអស្ចារ្យ។ លើស​ពីនេះ Cydia ក៏ផ្តល់នូវកម្មវិធី​យ៉ាង​ច្រើន​សន្ធឹកសន្ធាប់​ សំរាប់​ដាក់​ឲ្យដោនឡដ​ដោយ​សេរី និងគិតថ្លៃ​ក្នុងតំលៃ​ទា​ប​ផង​ដែរ។

 

 ប្រភព: KH-ADVERTISE.COM